vatn sem bragð er að

Sítrónur, gúrka og mynta koma mjög vel út þegar þeim er bætt út í vatn

Við vitum það öll að það er hollt og nauðsynlegt fyrir okkur að drekka að minnsta kosti 8 glös af vatni á dag. Það eykur þrótt, getur komið í veg fyrir höfuðverki og aðstoðar við flutning súrefnis og nauðsynlegra næringarefna útí vöðvana, svo fátt eitt sé talið. En við vitum líka að okkur langar yfirleitt ekki í 8 glös af vatni á dag og því er bragðbætt vatn kærkomin tilbreyting. Þið getið prófað ykkur áfram með hinu ýmsu bragðefni en mér hefur reynst best að nota myntu, rósmarín, sítrónur, lime, agúrkur og engifer. Gerið tilraunir með þessi bragðefni en hér að neðan eru nokkrar tillögur.

engifer og myntuvatn
5 cm bútur af engiferrót, þveginn og skorinn í bita
2 l vatn
3 greinar af ferskri myntu

 Notið mortél til þess að kremja lauslega engiferrótina og myntuna. Blandið saman við vatnið og látið standa í ísskáp í 1 tíma.

gúrkuvatn
½ meðalstór agúrka
1 sítróna, þvegin og skorin í báta
2 l vatn

Flisjið agúrkuna, skerið hana eftir endilöngu og síðan í sneiðar. Blandið saman við sítrónurnar og vatnið og látið standa í ísskáp1 tíma.

lime og rósmarínvatn
1 lime, þvegið og skorið í báta
1 grein af fersku rósmaríni
Safi  úr einni appelsínu
Börkur af ½ appelsínu

 Blandið saman limebátum, rósmaríni og vatni. Skerið ysta lagið af berki hálfrar appelsínu, best er að nota til þess þar til gert flysjunarjárn sem flysjar börkinn í þunna strimla. Setjið útí vatnið ásamt appelsínusafanum. Látið standa í ísskáp í 1 tíma.