Hver og einn fær 1/2 sítrónu til að ýra yfir  réttinn, allt eftir smekk hvers og eins.

Þessi pastaréttur hefur oft reddað mér fyrir horn þegar ég á von á gestum og þarf að gera eitthvað mjög fljótlegt en tilkomumikið. Ef þið skerið, saxið og steytið innihaldið fyrirfram er þessi réttur nákvæmlega 14 mín í eldun eftir að gestirnir eru komnir. Þetta er svo borið fram með góðu salati og brauði og ef maður vill vera flottur á því er upplagt að bera fram Earl Gray pot de creme á eftir, því sá eftirréttur er þeim göldrum gæddur að  hægt er að gera hann allt að 3 dögum áður.

Innihald:
2 msk smjör
2 msk ólífuolía
2 msk kraminn hvítlaukur
1 tsk þurkað basil
1 1/2 tsk steytt fennel fræ
500 gr hörpuskel, skorin í tvennt ef hún er stór
450 gr gott spagetti helst "tricolore" eða þrílitt
(þeir sem vilja gera sitt eigið skoðið þetta)
2/3 bolli nýrifinn parmesan ostur
2/3 bolli hvítvín
2 sítrónur
2 msk truffluolía
3-4 msk ferskt basil, rifið
salt og pipar

matreiðsluleiðbeiningar:
Byrjið á að koma upp suðu á miklu vatni og elda spagetti samkvæmt leiðbeiningum á pakkanum. Bræðið smjörið með olíunni yfir miðlungshita. Setjið hvítlauk, basil og fennel útí og steikið í 1 mín. hvítlaukurinn á ekki að dökkna. Bætið skelfiskinum saman við og steikið í 2-4 mín eftir stærð. Hellið hvítvíninu yfir og sjóðið í 1 mín. Hellið vatninu af pastanu og dreifið trufflu olíunni yfir. Hellið innihaldi pönnunnar yfir það líka ásamt parmesan ostinum og blandið vel. Saltið og piprið e. smekk. Sett á stórt fat og rifnu basil stráð yfir. Sítrónurnar skornar í tvennt og komið fyrir á fatinu innan um spagettíið . Berið fram extra parmesan með svo hver og einn geti bætt út hjá sér.

Til að gera þennan matseðil matarmeiri er upplagt að bera fram fyllt egg með Mímósum á undan matnum.

Tengt efni:

• Fyllt egg
• Mímósa
• Pasta gerð
• Earl Gray pots de créme