Besta Brownies uppskriftin mín og það sem meira er, hún notast við  kakó í stað súkkulaðis !

Ég er einlægur brownies-aðdáandi og því er engu logið þó svo ég haldi því fram að ég sé orðin nokkuð sjóaður brownie-bakari. Ófáar uppskriftirnar hafa verið prófaðar í gegnum tíðina og það virðist vera að engin þeirra toppi þessa hér sem er í algjöru uppáhaldi hjá mér. Það sem kannski kemur á óvart er að í henni er kveðið á um að nota kakó fremur en súkkulaði. Þó að ég noti hvítt súkkulaði er ekkert sem mælir á móti því að nota dökkt og hneturnar geta verið að eigin vali. Ég nota til skiptis valhnetur og pecanhentur.

1/2 bolli brætt smjör
1 bolli sykur
2 egg
1 tsk vanilludropar
1/3 bolli kakó
1/2 bolli hveiti
1/4 tsk salt
1/2 tsk lyftiduft
90 gr súkkulaðibitar
90 gr hnetur að smekk

aðferð
Hitið ofninn í 170 gráður og smyrjið ferkantað kökuform (c.a. 20cm á kant).

Öllu blandað varlega saman, það á ekki að hræra of mikið í blöndunni. Hnetur og súkkulaði er sett síðast út í hrært þar til vel samlagað. Bakað í 25-30 mín. Ath að baka þær ekki of lengi, þær eiga að vera svolítið klesstar og blautar.