frábær réttur sem hægt er að gera fyrirfram og er jafngóður heitur sem kaldur

2 bollar rifið samlokubrauð
2 msk. smjör
2 msk. olía
450 g rauðar kartöflur, afhýddar og skornar í litla bita1/2 bolli skalottlaukur, fínt saxaður
450 g heitreyktur lax eða silungur, skorinn í litla bita
3 msk. graslaukur, smátt saxaður
2 tsk. ferskt dill
4 stór egg
1 bolli matreiðslurjómi
3 tsk. dijon-sinnep
1/2 tsk. salt
1/4 tsk. svartur pipar, nýmalaður
sýrður rjómi
lítil kapers
nokkrar greinar ferskt dill

Matreiðsluleiðbeiningar:
Byrjið á að hita ofninn í 200°C. Setjið brauðið á bökunarplötu og ristið í ofninum í u.þ.b. 5 mín. Látið kólna. Hitið smjör og olíu saman á pönnu við fremur háan hita og steikið kartöflurnar þar til þær verða meyrar og stökkar.

Bætið skalottlauki saman við og steikið þar til laukurinn er mjúkur. Takið af hitanum. Hrærið saman brauð, lax, graslauk og dill. Hrærið því næst kartöflurnar og skalottlaukinn varlega saman við. Smyrjið stórt eldfast mót með smjöri eða penslið með olíu og setjið kartöflublönduna í. Pískið eggin. Hrærið síðan matreiðslurjómanum, sýrðum rjóma og sinnepi saman við. Bragðbætið með salti og pipar. Hellið eggjablöndunni yfir kartöflurnar og látið standa í fimmtán mínútur. Lækkið hitann á ofninum í 180°C. Bakið í u.þ.b. 30 mín. eða þar til blandan er tilbúin. Skerið í ferkantaða bita, skreytið hvern þeirra með 1 msk. sýrðum rjóma, 4 kaperskorum og dilli og berið fram. Þennan rétt má gjarnan útbúa deginum áður og setja í ofn rétt fyrir framreiðslu. Hann er einnig afar góður kaldur.