Innihald:
-  5 kjúklingabringur
-  200 g majones
-  200 g sýrður rjómi
-  1 hvítur laukur
-  1 dós ananas í bitum
-  ½ rauð paprika
-  3 msk. mango chutney
-  1 msk. karrí
-  eilítið af cayenne-pipar
-  2 msk. steinselja
-  vorlaukur
-  karrí

Aðferð:
Eldið kjúklinginn í ofni við 200° í um 35 mín. Blandið majonesinu og sýrða rjómanum saman, kryddið með karríi, mango og cayenne-pipar. Skerið laukinn mjög smátt og ananasinn í litla bita og blandið saman við. Brytjið kaldan kjúklinginn niður og setjið saman við. Skerið að lokum paprikuna smátt ásamt steinseljunni og setjið út í. Blandið þessu svo öllu vel saman og setjið í grunna skál. Skerið vorlaukinn og steikið á pönnu með dálitlu af karríi og skreytið salatið með þessu.
Gott er að bera fram nýtt brauð með þessum rétti.

Fengið hjá Jóa Fel. af Stöð 2

Ég skar kjúklinginn niður smátt til þess að nota mætti salatið í samlokur og bætti við aðeins af smátt söxuðu sellerí. Síðan smurði ég vel á brauðsneiðarnar, skar af þeim skorpurnar og hverja samloku í þríhyrning eða þvert yfir. Svo smurði ég ögn af majonesi á langhliðina og dýfði  smurðu hliðinni í sesamfræ til þess að fá fallegt útlit á samlokurnar.