tilefni.is

tannþráður í stað hnífs

Sneiðarnar verða fallegar og klessast ekki þegar notaður er tannþráður til að skera í sneiðar.

Ég hafði heyrt af þessu þjóðráði oft áður en einhverra hluta vegna hafði ég ekki meiri trú á því en svo að ég er tiltölulega nýfarin að nota það. Og það svoleiðis svínvirkar ! Ef þið þurfið að skera tvo botna í tvennt til þess að setja krem eða aðra fyllingu á milli er það mjög einfalt mál ef notaður er tannþráður og maður fær fallega og jafna hluta. Bregðið einfaldlega tannþræðinum utan um kökubotnana og togið svo í sundur. Gætið þess að þráðurinn liggi nokkurn veginn um kökuna miðja til þess að tryggja jafna botna.

Önnur notkun á tannþræði í stað hnífs er að nota hann til þess að skera ostakökur og skyrtertur. Til þess að ostakökusneiðarnar séu fallegar þarf að bleyta hnífinn á milli í heitu vatni og þvo af honum allt sem loðað hefur við frá því að maður skar sneiðina á undan, annars klessast þær og molna. Til að losna við þetta er þjóðráð að skera kökuna alla áður en hún er lögð á borð og nota til þess tannþráðinn. Þá er tannþráðurinn lagður yfir kökuna miðja og togað ákveðið niður, síðan er hann færður til að skera næstu sneið.

tengt efni:

• Muffins og muffinsform
• Bragðbætt vatn
• Sambal oelek í stað ferskra chilli aldina
• Að geyma rúmföt