að frysta kryddjurtir
 

Á sumrin rækta ég kryddjurtir í pottum úti í garði og nota gluggakistuna í eldhúsinu óspart í sama tilgangi. En ég verð að játa það að þær jurtir sem ég tek inn að hausti endast ekki nema fram í lok nóvember ef ég er heppin en eru annars búnar mánuði fyrr. Mér hefur ekki ennþá tekist að halda lífi í nokkurri kryddjurt yfir vetrartímann og er nú farin að gera ráð fyrir þessu; það hefur reynst best að klippa þær alveg niður á haustin, saxa kryddjurtirnar niður og frysta þær í litlum plastílátum. Síðan þegar þú þarft að nota jurtirnar tekurðu bara plastílátið úr frysti, skefur uppúr það sem þú þarft að nota og lætur afganginn aftur í frystinn, tilbúinn til notkunnar seinna meir.

Ef þú hinsvegar kaupir kryddjurtabúnt úti í búð á vetrarlagi og ætlar þér ekki að gróðursetja þær er tilvalið að nota sömu aðferð við það sem gengur ef ef eitthvað er. Hreinsið blöðin af stilkunum ef það á við, saxið og frystið.

tengt efni: