Vel að merkja eiga þessar leiðbeiningar mínar við gasgrill.

1. Skoðaðu vel slönguna sem tengir gaskútinn við grillið. Ef hún er sprungin eða skemmd á einhvern hátt, skiptu henni út.

2. Hreinsaðu stál pípurnar undir hverjum brennara fyrir sig með tannstöngli eða bréfaklemmu.

3. Athugið að margar nýrri gerðir gasgrilla eru gerðar úr áli svo það hentar ekki að nota ofnahreinsi, stálull eða vírbursta til hreinsunar á þeim, húðin skemmist.

4. Leggið grindurnar og aðra hluta sem hægt er að taka af grillinu, í bleyti í sjóðandi vatn með nóg af uppþvottalegi. Þegar þetta hefur legið í bleyti í nokkurn tíma,         skrúbbið með svampi eða bursta. 

5. Skiptið grill-steinunum út á hverju ári eða sjóðið þá í sápuvatni til að losna við óhreinindi.

6. Límið yfir gasleiðslurnar í grillinu og þvoið grillið að innan með heitu sápuvatni og svampi. Gerið það sama við grillið utanvert.

7. Spúlið grillið að utan og innan og látið það þorna vel.

8. Eftir að grillið hefur fengið að þorna vel, nuddið það allt með grænmetisolíu en setjið viðeigandi tréolíu á allt viðarkyns. Setjið alla parta á sinn stað og gætið fyllsta öryggis þegar þið tengið gasið við aftur.