Góð hugmynd til að nota í barnaherbergi er að kaupa grunnar hillur eða jafnvel diskarekka og koma fyrir við rúm barnanna. Þar er svo hægt að raða bókunum þannig að kápan snúi fram og börnin hafa þá góða yfirsýn yfir bækurnar sínar.

Þetta gefur herbergjunum líka lit og lífgar upp á heildarmyndina. Bækurnar eru aðgengilegar fyrir börnin hvenær sem er ef þið tryggið að hillurnar séu festar þeirri hæð sem þeim passar eða hafið eins og í mínu tilfelli hér, bekk undir hillunum sem þau geta notað til að klifra uppá og nálgast bækurnar þannig.

Áður en börnin urðu það stór að þau höfðu áhuga á bókum komu sömu hillur sér vel sem skógeymsla undir litla skó og þeir sömuleiðis skreyttu herbergið heilmikið og gáfu því bæði líf og lit.

Þessar litlu hillur sem ég notaði fást í IKEA en einnig er tilvalið að kaupa nýjan eða notaðan diskarekka, mála í fallegum lit og hengja upp.

tengt efni:

• Myndir hengdar upp með borðum
• Áhrif ljóss á liti
• Leiðir til að stílisera heimilið
• Að hengja upp myndir