|
Þetta er blómaskreyting sem enga stund er verið að henda saman.
Vasinn er fylltur með oasis eða gelperlum, mosa raðað yfir og
rósunum stungið í einfaldri röð yfir vasann. Munið bara að
klippa stilkana stutta. Ef nota á skreytinguna á veisluborð eða
af einhverju sérstöku tilefni er gott að gera hana daginn áður
svo að rósirnar hafi haft tíma til að springa aðeins út og fylla
betur út í rýmið sem vasinn gefur þeim.
Eins er þetta tilvalið til að framlengja aðeins líf
afskorinna blóma, þegar að t.d. rósirnar eru orðnar mikið
útsprungnar eða farnar að hengja haus er þetta akkúrat skreyting
sem hentar. Við það að klippa stilkana stutta eykst vatnsrennsli
til blómanna og vasinn styður við þau þannig að þau geta ekki
hengt haust ! Tilbúið á innan við 10
mínútum.
Vasinn þarf ekki að vera svona í laginu eins og myndin sýnir, hægt
er að nota hvaða gerð sem er, svo framalega sem hliðarnar séu
beinar. Ef vasinn er hring-laga er fallegra að raða rósunum
þannig að þær fari í hring eins og formið á vasanum. Í
ferkantaða vasa raðast rósirnar þannig að þær myndi reglulegar
raðir.
|
