|
Eitt sinn stefndi ég saman hópi kvenna til þess að hittast og
borða indverskan mat ásamt því að fræðast aðeins um stöðu
indverskra kvenna. Við höfðum fengið til okkar indverskan
"kokk" af þessu tilefni sem heitir Shabana og sá hún svo um
að fræða okkur um kynsystur sínar í Indlandi yfir borðhaldinu.
Mjög skemmtileg kvöldstund sem ég mæli með.
Við þetta tækifæri langaði mig að skapa indverska stemmingu
yfir borðhaldinu og reyndi að ná fram þeim áhrifum án þess að
fjárfesta í fullt af indversku dóti sem ég myndi svo aldrei nota
aftur. Litagleðin er í fyrirrúmi í Indlandi og því voru litir
dagsins skær-bleikt og appensínugult með einstaka doppu af kóbalt
bláu og safír grænu. Eitt af því sem ég gerði var að fara í Góða
Hirðinn og kaupa mér stök glös í svipuðum stærðum og líma svo á
þau borða og bryddingar. þú þarft:
nokkur glös af svipaðri stærð
silkiborða
pallíetturæmur
plast "gimsteina" og spegladoppu
alhliða túpulím leiðbeiningar:
Þvoðu glösin vel til að taka af þeim alla hugsanlega fitu til
að límið taki sig sem best.
Veldu saman borða, pallíettur og annað skraut, klipptu í réttar
lengdir og tylltu lími hér og þar á borðana. Varastu að setja of
mikið lím því að þá sést það í gegn og klessist út um allt.
Vefðu borðunum utan um glösin og haltu þeim föstum augnablik á
meðan límið er að taka sig. Límdu "gimsteinana" á og þá eru
glösin tilbúin.
tengt efni: •
Glycerín gestasápur
•
Þrívíðir rammar
•
Uppstillingar
•
Myndir hengdar upp með borðum
|
