| |
fermingarhlaðborð skreytt |
|
Til að ná fram fallegri heildarmynd á hlaðborðið skal reyna að
hafa skálarnar og fötin sem mest í sama lit. Einnig er fallegt að
hafa fötin í mismunandi hæðum og skapa þannig fjölbreytni.
Hér er veggfóður notað í stað yfirdúks og tjull breitt yfir neðri
hlutann. Tjullið er svo tekið saman á nokkrum stöðum með
hárklemmum. |
 |
|
Aðalborðskreytingin voru tveir glærir vasar
sem ég hafði klætt í bleikar sokkabuxur og skreytt með nælum og
borðum. Silkiblóm voru notuð í skreytinguna sem kom mjög vel út.
Ég reyndi að nota skreytiefni sem hægt væri að nota aftur þegar
fermingin var yfirstaðin og valdi því allskyns skartgripi og
hárklemmur. |
 |
|
Blómaskreytingin og fermingarkertið mynduðu
eina heild, stillt upp í þríhyrningslaga form í mismunandi hæð.
Seinni glervasinn er líka klæddur í sokkabuxur en hann er
skreyttur með semelíukrossi og borða.
|
 |
|
Fermingakerti er auðvelt að útbúa sjálfur og útgáfurnar eru
fjölmargar. Hér var veggfóðursborði klipptur niður sem nam ummáli
kertisins og límdur saman með "doubletape" Semelíukross var svo
hengdur á kertið með því að stytta títuprjón með perluhaus og
stinga honum í kertið. Ég hef einnig útbúið svona kerti með
borðum, nælum, fallegum miðum með nafni fermingarbarnsins og
dagsentningu fermingarinnar. Þar sem kertin eru
undantekningarlaust stór og brenna ekki nema að litlum hluta í
veislunni er óhætt að gefa ímyndaraflinu lausann tauminn og
skreyta kertið með því sem manni dettur í hug. Skrautið er svo
fjarlægt ef ætlunin er að brenna kertið niður svo ekki skapist
eldhætta. |
 |
|
Veggfóðursborðinn og
veggfóðrið er kjörið til notkunar á öll önnur borð í
salnum/stofunni. Jafnvel væri hægt að nota það til þess að búa til
boðskortin í veisluna líka þannig að það myndaðist flott
heildarmynd á allt saman. Prófið að pakka t.d. skókassa inn í
veggfóður og nota sem upphækkun á hlaðborðinu eða pakkaborðinu.
|
 Tengt efni:
Sparileg kertaskreyting
Skreytt
fyrir brúðkaup
|
